قصيده للشاعر عادل مليح الحربي

ا
يلومني في حــب مـــريـــم دناياي
وعذالـــي الي مـــن بعــيدن وداني
عزيلهم ماجـربــو نـــوح شكــواي
ولاقـــدرو بنت الكـــريم الحصاني
بنتن عطاها الله من الزين والراي
ماالا عطــــاه من النسا والغــواني
تلعب بقلــبي لعــبه الطفل بالماي
قلبي بحرهـــا والجــــروح المواني
اغليتها واعمـيت في حبها اعداي
وعليتها فـــوق الســــحب والمباني
لاكنها راحــت من ايدين نجواي
راحــت مــراحن دونه الـي حداني
يامــريــم انتي من ملكني بدنياي
وحبج من اقرابي وربعي خذانــي
الله يسامـــح مــن تسبب ببلواي
وخلاني اشكيلج جـروح المحاني
تربعــي ياغايتي فـــي حنايـــاي
مادم لج فــي نـــور عيني معاني
لاكـــن الوقــت ماهيب ويـــــاي
وحضي تردت قسمته من زماني
لو قلت وش ماقلت مافاد شكواي
ياكـــود عند الي بحبه بــــلانـــي